تامر حسني يدعم "الطفل العبقري" | صورة

نون - أعلن الفنان تامر حسني دعمه لطفل مصري يقول إنه ابتكر نظارة لمساعدة المكفوفين ما لفت الأنظار على منصات التواصل الاجتماعي.

وعبر حسابه على "إنستغرام"، قال تامر حسني: "يا مصر، الولد العبقري ده مصري عربي، أنا أول مرة أشوفه، لو هو بجد بيخترع بإمكانياته البسيطة دي، إحنا كلنا لازم نساعده".

وأضاف تامر: "لازم مجهوده يوصل لكبار المسؤولين، ده ثروة قومية. لو هو بيقدر يعمل الحاجات دي بالإمكانيات المحدودة، طب لو توفرت له الإمكانيات الكبيرة هيقدر يعمل إيه؟ وكمان سمعت إنه عنده اختراعات تانية كتير".

وختم قائلاً: "ربنا يكرمك يا بني وتحقق كل أحلامك، يا رب صوتي يوصل للمسؤولين الكبار ويتبنوا العبقري ده".

الطفل الذي يبلغ من العمر 15 عامًا أبهر رواد مواقع التواصل الاجتماعي بما قال إنها "اختراعاته"، خاصة "نظارة المكفوفين" التي نشرها عبر "تيك توك".

ومن بين ابتكاراته، وفق وسائل إعلام محلية، طرف صناعي وصاعق كهربائي، مما دفع العديد من المتابعين للتعبير عن دعمهم وتشجيعهم له.