منة شلبي: مفيش حاجة اسمها راجل مثالي واتخانت وسامحت

نون - تحدثت الفنانة منة شلبي، عن علاقتها مع أصدقائها، وسوء تجاربها في علاقتها العاطفية، إضافة لتعرضها للخيانة من قبل.

وقالت منة شلبي، في تصريحات لها: الصداقة حاجة بحبها أوي، في معارف وفي زمايل وفي أصدقاء، وأقرب مرتبة لقلبي الأصدقاء، وممكن أخد صاحبي على عيبه، لكن لو العيب بيضره أحاول أفهمه، وصحابي بيشبهوني بالشجرة وبيقولوا إني بضلل عليهم وبحتويهم زي الشجرة، وبختار صحابي الناس الصادقة مش أشرار، والطيبين والجدعان وعندهم أصل في أخلاقهم، ودمهم خفيف طبعا.

وأضافت: ممكن أقطع مع أقرب صديق لما يخون ثقتي، الخيانة بالنسبالي شيء مش مقبول، ولو حد من صحابي وقع في مشكلة هساعده مش هفكر في مصلحتي، ولو تدخلت بين اتنين ببقى محايدة وحقانية، اختياراتي العاطفية فيها مشاكل كتيرة أكتر من اختياراتي في الصداقة، ومفيش حاجة اسمها راجل مثالي، في حاجة اسمها صفات ملائمة مع بعض، وأفكار ومبادئ، وسامحت في الخيانة قبل كده، ومعتقدش ممكن أسامح تاني.