رانيا يوسف: كان لازم أتحرر عشان أعمل فلوس

نون - تحدثت الفنانة رانيا يوسف، عن فترة دراستها في مدرسة للراهبات، مشيرة إلى أن من أبرز الأشياء التي تعملتها في تلك المدرسة الالتزام الشديد.

وقالت رانيا يوسف، خلال لقائها بالكاتبة ريم جميل، في بودكاست بعنوان "ريما وحكاويها": "أنا تمردت من 5 سنين، تربيتي عيشتني في رعب طول الوقت، بابا كان ضابط وماما مضيفة، وأبويا هو اللي كان طول الوقت معايا أكتر".

وتابعت: "أبويا مكانش قاسي، لكن كنت بترعب منه، إحنا جيل البنات اللي كان طول الوقت عايش خايف، وكان في طقوس مش ممكن أخرج عنها".

وكشفت الفنانة رانيا يوسف، عن السبب وراء رغبتها في التحرر من القيود التي نشأت عليها، قائلة: “كان لازم أتحرر من القيود اللي إتربيت عليها علشان أعمل فلوس وأعمل مستقبلي بالطريقة اللي أنا عايزاها”.

وأضافت: "أنا أجبرت على دخول آداب إنجليزي وخلصتها في 14 سنة، لكن كان نفسي أدخل معهد السينما وأطلع مخرجة، وده متحققش".