أحمد العوضي: محدش يضحك عليكم ويطلع لايف باسمي وياخد نمور وفهود وأسود

نون - حذر الفنان أحمد العوضي جمهوره من بعض الصفحات المنتحلة لشخصيته على مواقع التواصل الاجتماعي.

ظهر أحمد العوضي في فيديو عبر صفحته الرسمية على Facebook ووجه رسالة لجمهوره.

وقال أحمد العوضي: "مساء الفل على كل إخواتي واستنوا فهد البطل إن شاء الله ومسابقات كبيرة في رمضان، أنا بس عايز أقولكم إني معنديش أي كونت على تيك توك بطلع منه لايف، واللايف أنا ساعات بطلعه على فيسبوك لما بيبقى فيه مسابقة، والأكونت بتاعي عليه علامة صح".

وتابع أحمد العوضي: "محدش يضحك عليكم ويطلع لايف باسمي ويقلد صوتي لأن في حد منتحل شخصيتي وعمل أكونت مش حقيقي وبياخد من الناس نمور وفهود وأسود، حبيت أقولكم كده عشان محدش ينصب عليكم بالأونطة، وأنتوا حبايبي وإخواتي وأنا مرضاش أن حد يضحك عليكم".

واختتم أحمد العوضي رسالته "استنوا فهد البطل ومسابقات كبيرة في رمضان وكل سنة وأنتوا طيبين".