تامر حسني: بسمة بوسيل في دمي

نون - نفى الفنان تامر حسني عودته لطيقته الفنانة بسمة بوسيل، بعد ظهوره في حملة دعائية وهو يكتب حرف اسمها على يده.

وأوضح تامر حسني أنه كتب حروف أسماء عائلته ومنهم بسمة بوسيل التي يعتبرها ابنته الكبرى.

وقال تامر حسني في لقاء مع ET بالعربي: "لا مرجعناش، دي حروف عيلتي ومفيش أقرب منهم، كان الاقتراح من المخرج هكتب إيه على إيدي عايزين نبقى شبه الشخصيات الناس اللي بيغنوا "روك" فقلت عيلتي، وبسمة دي بنتي الكبيرة مهما حصل ومهما الناس لعبوا في دماغها، لا يمكن مهما عملت إني أقسى عليها".

وتابع تامر حسني: "هي بنتي مهما عملت هي في دمي، دي تربيتي هي في دمي وأنا أموت نفسي ولا أزعلها ودا حقيقي والله العظيم بتكلم من قلبي، أم أولادي ربنا يخليهالهم عاملة مجهود كبير جدا مع الولاد وربنا يصلح حالها يارب في كل خطواتها اللي بتعملها".