نجوى فؤاد: عايشة في شقة إيجار ومعاشي 600 جنيه
نون - طالبت الفنانة نجوى فؤاد وزارة الثقافة بزيادة الاهتمام بها وبكافة الفنانين القدامى، مشيرة إلى أهمية دعم هذه الفئة التي قدمت الكثير للفن والمجتمع.
وخلال مداخلة هاتفية مع أحد البرامج ، أكدت نجوى فؤاد أن حالتها الصحية جيدة وطمأنت جمهورها بهذا الشأن، كما تحدثت عن وضعها الحالي وسط غيابها عن أي أعمال فنية جديدة، مما يعكس رغبتها في تسليط الضوء على دعم الفنانين الذين لم يعودوا نشطين في الساحة الفنية بشكل منتظم.
وقالت: بطالب وزارة الثقافة تهتم بالفنانين اللي عملوا مشوار كبير جدا وكانوا بياخدوا ملاليم مش ملايين، دخلنا معروف بالضرايب إحنا عايزين نعيش عيشة آدمية حلوة وربنا يختمها معانا ختام كويس، ومش يعملولي دار مسنين هو الحمد لله الواحد عنده بيت مش تمليك دا إيجار بقالي 40 سنة في البيت دا اللي على النيل، إحنا معندناش تمليك ولا عندنا شقق ولا محلات أكل، ياريت ينتبهوا لينا شوية لأن الأدوية بقيت غالية وزيارة الدكتور بقت غالية، أنا الحمد لله كويسة ومش هعتزل ولا حاجة أنا عندي بس شوية تنميل في قدم رجلي وبنعالجه وعلى الله الشفاء، وأنا اشتغلت 40 سنة لما أقعد سنتين تلاتة مش مشكلة، أنا يوم ما اعتزل لازم أطلع أحج، واشوف مشروع صغير، للأسف نقابتنا ووزارة الثقافة مش سألين فينا معاشي 600 جنيه في الشهر وطبعا دول ميجيبوش عيش حتى، أنا هدور على أي حاجة اشتغلها مش عارفة اشتغل إيه أنا قضيت عمري كله في المشوار الفني الجميل وحب الناس، والأعمار بيد الله ومحدش عارف أجله أمتى.
