عمرو مصطفى: المنتجون استغلّوا جهلنا بالقانون

نون - نشر الفنان عمرو مصطفى على حسابه الشخصي في فيسبوك بياناً تحذيرياً، أشار فيه إلى معلومة جديدة تتعلق بالعقود الموقعة بين المبدعين وجمعية المؤلفين والملحنين. أوضح أن هذه العقود كانت سبباً في ضياع حقوق العديد من المبدعين، ملقياً الضوء على استغلال المنتجين لنقص معرفة بعض الفنانين بالقوانين.

وكتب عمرو في منشوره: النهارده عرفت معلومة كان لازم أوصلها لزملائي المؤلفين والملحنين.. أي عقد مكتوب فيه “لمدة الحماية القانونية” يعتبر باطل، لأن القانون بيشترط إن العقد يكون محدد المدة.
لكن للأسف من سنة 1999 استغلوا جهلنا وخلونا نمضي على عقود بالطريقة دي، والنتيجة إننا اتسلبت حقوقنا وأولادنا من بعدنا. أنا بقول الكلام ده مش مجرد معلومة… لكن كـ واجب عليّا كزميل. ولازم نتحرك مع بعض وبشكل جماعي لإبطال التنازلات دي واسترداد حقوقنا. النهارده قبل بكرة… الإبداع مش للبيع.