بعد 17 عامًا من القطيعة.. وسام قطب لوالده: اكتشفت إني كتير بشبهلك
نون - في موقف مؤثر، التقى صانع المحتوى وسام قطب بوالده للمرة الأولى منذ 17 عامًا من الفراق والخلاف.
اللقاء الذي وثّقه وسام عبر حساباته على مواقع التواصل الاجتماعي، أثار تعاطفًا واسعًا بين جمهوره، خاصة بعد أن شارك كلمات صادقة كتبها اتجاه والده الذي تطرّق في أكثر من مناسبة إعلامية للحديث غيابه عن حياته.
فاجأ وسام متابعيه بصور من اللقاء، وكتب عليها: بعد ١٧ سنة.. شفتك و حكيت معك و حضنتك و اكتشفت أني كثير بشبهك.. جزء كبير من مين انا جاي من عندك انت، انا امتداد الك.. طولت و انا بحاول افهم نفسي، بس ما كنت عارف انه جزء كبير مني مفقود فيك، كنت رافض فكرة وجودك، انت تركتني و أنا ما بدي ارجع أشوفك. كيف يعني تتركني؟ بس فهمت يبوي، فهمت انه الحياة كثير اعمق من ما انا كنت فاهم، إدراكي ما كان سامحلي استوعب انه هاي كانت افضل نتيجة، مع أني ذكي، بس انت اذكى، و انت "غلطت" و انا ما سامحتك، و انا غلطت و انت سامحتني. كل اشي بصير لسبب و الي الله كاتبه خير. كثير فكرت ف كيف حكون حاسس بس أشوفك.. و بس شفتك كان شعور غريب، بدي احكي معك بكثير أشياء بس ما عنا ماضي كبير سوا..عن إيش بدنا نحكي؟ من وين بدنا نبلش؟ كان نفسي يكون بيننا ذكريات اكثر.. مواقف اكثر.. بس هذا الحكي بنبني عليه من اليوم، بنعمل ذكريات جديدة، بنمر بمواقف جديدة تقوي جسرنا المرموم. مبسوط انه صلحنا كل ما افسده الوقت و الظروف و المسافات.
