سر خلطة التكا والشيش طاووق

نون - عزيزتى ربة الاسرة .. هقدم لكى اليوم طريقة خلطة دجاج تكا والشيش طاووق ودى طبعا وجبه الكل بيحبها ..هنقدمها فى البيت للتأكد من النظافة ونوع من التوفير وما اجمل اننا نقدم الطعام من صنع ايدينا لاسرتنا. المقادير : كوب زبادى - ملعقتين كبار ثوم مفروم – جنزبيل طازج مفروم – كارى – وبابريكا وشطة وكسبرة خضراء مفرومه ناعم – عصير ليمون – بهارات الجراماصالا لو متوفرة – زيت زيتون - دجاجة او اثنين حسب عدد افراد الاسرة و تقطع كل واحدة ثمان قطع وفى حالة الشيش طاووق: تقطع الدجاجة قطع صغيرة – ونستخدم معاه بصل وفلفل اخضر وطماطم يقطعوا اجزاْء كبيرة . الطريقة :- نخلط جميع مقادير التتبيلة مع بعض ونخلطهم فى الخلاط او الكبه . - بعد غسل الدجاج وتنظيفة نتبله بالخليط وندخلة جيدا بين اللحم ويترك فى الثلاجة يوم كامل. - عند شوى التكا نسخن الفرن جيدا وعلى الرف السلك نرص قطع الدجاج وعلى الرف السفلى نضع صينية فرن فيها 2كوب ماء مغلى علشان الدجاج ينضج جيدا ولا ينشف .. ونتركها لمدة ساعة ونصف مع الحرص على تقليبها كل ربع ساعة لتشوى من جميع الجهات. بالنسبه للشيش طاووق نحضر عيدان الخشب الخاصة بالشوى ونضع فيها الدجاج بالتبادل مع قطع الفلفل والبصل والطماطم ونسويها بنفس طريقة التكا ونقلبها ايضا ... وبعد النضج تقدم بالهنا مع السوتيه والارز بالكارى والسلطات وممكن مع البطاطس المحمرة وبالهنا. الجمهورية.