حملة ضد اعلامي بعد دعوة المصريين لـ الاستحمام (فيديو)

نون - قال الإعلامي تامر أمين، مقدم برنامج « من الآخر» على قناة روتانا مصر، أن «المصريين ريحتهم وحشة زي علبة الساردين»، مطالبا «الفقراء قبل الأغنياء بالاستحمام يوميا والاهتمام بتسريح شعرهم وكوي ملابسهم». وأضاف أمين في حلقة برنامجه: «أهم حاجة الحس والسينز، يعني فقرك أو غناك مالهوش علاقة، أنا بقولكم استحموا كل يوم لو سمحتم، الفقير قبل الغني، والله بتفرق والله مهمة وجزء من أن بلادنا تتقدم وتطور، ولما نبقي نضاف، هنشتغل، وسلمني نضيف هسلمك نضيف، لما نبقي نضاف هنحب بعض ونتعامل بنضافة، مش لما اتنين مصريين يقابلوا بعض وياخدوا بعض بالحضن يودوا وشهم الناحية التانية ويقرفوا من بعض زي علبة ساردين اتفتحت، لية ده عشان بقاله أسبوع ما شفش ماية، وبعدين يقولك أنا فقير، وأية علاقة الفقر بالنضافة ماعرفش». وتابع: «الناس اللي بتسيب دقنها من غير حلاقة واللي بتنزل من بيتها مش بتسرح شعرها ده مالهوش علاقة بالغنى أو الفقر، ده مشط لو مش قادر تشتريه هاته من الزبالة وسرح شعرك به.. المصريين مابيستحموش قبل ما ينزلوا، المصريين ما بيسرحوش شعرهم قبل ما ينزلوا، المصريين مابيكوش هدومهم قبل ما ينزلوا، المصريين مابيهتموش بشكلهم». وقال: «سواقين التاكسي من متوسطي الدخل مش فقرا، وبس على لبسهم هتلاقيه لابس قميص طالع من بؤ مش عارف أية، وبنطلون مقطع وبقع وحالته زفت ولابس شبشب أو حافي، لية كدة ؟ ما أنت بتكسب وقادر تعيش». وهاجم نشطاء على فيسبوك، تصريحات أمين، التي اعتبرها البعض «تطاول على المصريين»، حيث قال تعليق: «لما نبقي بناخد ملايين في السنة ومشاكل حياتنا تنتهي نبقي نشتري هدوم جديدة كل يوم ونعمل شعرنا». فيما دعا نشطاء لحملة غسيل تامر أمين .تامر امين يبرر ما قاله في حلقة ثانية: