عمرو أديب مهاجمًا علاء مبارك: على آخر الزمن واحد رد سجون هيعلّمنا الأدب

نون- شن الإعلامى عمرو أديب هجوماً حاداً على علاء مبارك، رداً على تغريدة نشرها الأخير عبر موقع تويتر ، عن أديب.<br><br>وقال اديب خلال برنامجه، انه من القليل ان يتحدث عن حكاية شخصية عن حكاية شخصية، مضيفا: اللى يقربلي هقربله، واللى هيهاجمني ههاجمه، ولو أنا سايبك مبقربلكش مش معنى كده اني خايف منك <br><br>وأشار أديب، إلى أن اليوم هو ذكرى تنحى الرئيس الأسبق محمد حسنى مبارك، موضحاً أنه كان موجوداً فى ذلك التوقيت ويعرف مبارك ونجليه، مستطرداً: عمرى ما قربتلهم، مش مرجلة ولا فروسية، ولكن النهاردة قعدت أفكر كده لو مكنش مبارك مشى كان هيبقى الوقت إن جمال بيه يحكم وعلاء بيه يقبض .<br><br>وأضاف أديب: عمرى ما قربت لهم، قربت لهم وقت ما كانوا موجودين وقعدت فى البيت علشان قربت لجمال بيه، ومصر كلها عارفة الحكاية، والنهاردة فاجأة علاء بيه يوم تنحى الوالد اليوم الأسود فى حياته قال يهاجم عمرو أديب، وأخذ جملة من انترفيو، ما تجيب الانترفيو كله، قلت يا دكتور مينفعش جمال بيه يحكمنا، وإذا كان مبارك قائد تاريخى يكمل لكن محدش يجى بعده، يعنى اعملولنا تداول للسلطة، امال أنا قعدت فى البيت ليه .<br><br>واستطرد أديب: المصريين عندهم حاجة غريبة، علاء بيه لما يكتب يقولوله يا باشا، باشا مين، هو الراجل ده مش اللى انتوا نزلتوا وشيلتوه، انتوا ناسيين عمل ايه هو وعيلته، هو علاء بيه نسى، انت اللى فتحت الموضوع، إذا كنتوا نسيتوا اللى جرا هاتو الدفاتر تنقرا، مش هكلمك عن الـ 70 مليار، إنما مش على آخر الزمن واحد رد سجون هيعلّمنا الأدب .<br><br>ووجه أديب، تساؤلاً لعلاء مبارك : رد عليا.. الفلوس اللى فى سويسرا دى بتاعة مين؟الفلوس دى مثبتة من الحكومة المصرية والسويسرية.. جبت مئات الملايين دى منين؟ مفيش واحد فى مصر مكنش عارف انت بتشتغل فى ايه؟ هو علاء مبارك كان بيشتغل ايه؟.. انت اللى جبته لنفسك، عمرى ما قربت لكم .<br><br>وأردف أديب : علاء بيه انتهى، لا انت ولا جمال بيه هترجعوا تانى، مش هتحكموا تانى، جايز ترجع تاخد فلوس سويسرا تانى؟ الفلوس دى منين يا علاء؟ خلّص نفسك بعدين دوّر عليا ، مضيفاً: مين اللى ولع فى عربيتى يا علاء؟، ومين رمى عليا مية نار؟، المصريين عندهم زهايمر وفاجأة داخلين بيقولوله علاء بيه، اللى زيك برة مبيكونوش موجودين خلاص، انتو نظام وانتهى .<br><br>واستطرد: أنا قاعد لك.. يا أنا يانت.. معنديش حاجة أخاف منها، لو انت مش عاجباك البلد اكتب قول.. هيجرالك ايه أكتر من اللى جرالك.. ماهو العيل السوء.. ، مضيفاً: هى مش مشكلة شخصية بس.. هو مين اللى كان فى الشارع يوم 25 يناير، انت يا علاء قلت لناس فى يناير جمال هيودينا فى داهية.. انت عارف اللى أنا بقوله صح.. وانت كنت عارف انكم رايحين فى داهية .<br><br>مردفاً: أنا مش مجننى اللى كتبه علاء مبارك عنى.. اللى مجننى الناس اللى حواليه والمحبة.. أتحدى حد يقولى علاء كان بيشتغل ايه؟ .<br><br>اليوم السابع